Një 32 vjeçar është arrestuar në Gjirokastër nën akuzën e ushtrimit të paligjshëm të lojërave të fatit. Ai është arrestuar në një bar-kafe ku i është sekuestruar aparati celular në të cilin akuzohet se mbante faqet online të basteve sportive.
“Arrestimi u bë në lagjen “18 Shtatori” gjatë kontrollit të ushtruar në një bar-kafe të marrë me qira, pasi është gjetur dhe sekuestruar një aparat celular, ku dyshohet se përmbante faqe online të basteve sportive dhe nëpërmjet këtij aparati ushtronte veprimtarinë e lojërave të fatit në kundërshtim me ligjin” deklaron policia.
Materialet i kaluan Prokurorisë së Rrethit Gjyqësor Gjirokastër, për veprën penale “Organizim i llotarive të palejuara”.
