Lojtari i Adelaide United, Josh Cavallo ka zbuluar së fundmi se është homoseksual. Në një video të postuar në rrjetet sociale futbollisti 21-vjeçar shtoi se e kishte mbajtur të fshehur këtë pjesë pasi ndihej i frikësuar.
“Ka diçka personale që duhet ta ndaj me të gjithë. Unë jam futbollist dhe jam homoseksual. Duke u rritur, gjithmonë kam ndjerë nevojën për të fshehur veten sepse kisha turp, turp që nuk do të mund të bëja kurrë atë që dua dhe të isha homoseksual”-ka deklaruar Cavallo.
Ndërsa klubi duket se i ka dhënë mbështetjen e tij lojtarit dhe ka publikuar edhe një video në faqen zyrtare në Twitter, ku krahas së cilës shkruhet: ‘E vërteta e Josh’.
Ai e kaloi jetën duke fshehur se kush është në të vërtetë për të ndjekur ëndrrën e tij të fëmijërisë për t’u bërë futbollist./K.T/Gijotina.com
