Argjinatura në Dajç të Shkodrës ende nuk është riparuar, pavarësisht se ka kaluar një vit nga përmbytjet. Kjo është një nga zonat që rrezikohet më tepër, për shkak të nivelit të lartë të ujit.
Gjovalin Darragjati, i cili është dhe administrator i kësaj njësie tha se argjinatura rrezikon të çahet për shkak të amortizimit. Ai i bën thirrje Ministrisë së Bujqësisë të vërë dorë.
Kjo njësi administrative përbëhet nga 10 fshatra, ku më problem mbetet fshati Darragjat, ku argjinatura ka probleme në një gjatësi 2 km. Ajo filtron ujë kur ka prurje të mëdha. Është bërë disa here problem dhe deri në këtë moment nuk është ndërhyrë. Po kështu janë disa “njolla të zeza” për të cilat, duhet me patjetër të ketë ndërhyrje. Një tjetër problem mbetet dhe mospastrimi i kolektorëve.
Dajçin e përmbyt shkarkimi i HEC-ve në mënyrë të pakontrolluar. Janë aktualisht të rrezikuara 130 banesa nëse nuk ndërhyhet ndërhyrje rrezikojnë shumë. Në vitin 2010 u bë një mbyllje me zhavorr në kushte emergjente, por ajo nuk është e bërë për të përballuar ujin dhe infiltron është burim rreziku jo vetëm për tokat por edhe për moshat e treta që janë të vetmuar dhe mund të gjenden në një situatë të keqe.
Në muajt janar- Shkurt 2021, qindra a hektarë tokë bujqësore kanë qenë nën pushtetin e ujit, ku ushkaktuan dëme të mëdha në bujqësi e blegtori që përllogariten në vlerën e 800 milion lekëve. Shteti ende nuk i ka dëmshpërblyer këta persona.
