Para pak ditësh ‘Marca’ zbuloi se cili prej yjeve të futbollit do të fitojë ‘Topin e Artë’ për këtë vit dhe në vend të parë rezultoi të ishte sulmuesi i Bayern Munich, Robert Lewandowski, i ndjekur më pas nga Lionel Messi i Paris Saint-Germain.
Megjithatë duket se kjo renditje tashmë ka ndryshuar dhe argjentinasi i ka marrë ‘fronin’ polakut.
Sipas faqes së njohur sportive ‘GiveMeSport’ raportimet e shumë mediave nxjerrin ‘pleshtin’ si më të mirin e këtij viti.
Ylli i PSG-së ka mbledhur 645 pikë, ai i Bayern 631 , ndërsa në vend të tretë qëndron Karim Benzema me 483 pikë.
Emra si Messi, Cristiano Ronaldo, Robert Lewandowski, Karim Benzema, Jorginho dhe Mohamed Salah janë përfolur si më të mundshëm për ta fituar çmimin.
Ndërsa pas tyre vinë Kylian Mbappe, N’Golo Kante, Erling Haaland dhe Gianluigi Donnarumma që mbyllin dhjetëshen.
Renditja e pesë më të votuarve për ‘Topin e Artë’:
1.Lionel Messi – 645 pikë
2.Robert Lewandowski – 631 pikë
3.Karim Benzema – 483 pikë
4.Jorginho – 328 pikë
5.Cristiano Ronaldo – 154 pikë/K.T/Gijotina.com
