Ilir Dhami është drejtuesi i mjetit i cili aksidentoi studenten në Korçë mëngjesin e kësaj të premte. Ai është arrestuar nga policia pranë banesës ku dhe jeton, në lagjen 12. Policia sekuestroi dhe automjetin tip “Benz Mercedes”.
Ngjarja u regjistrua në afërsi të universitetit ku një automjet aksidentoi studentet 18-vjeçare dhe u largua nga vendngjarja. Policia u vu në ndjekje të tij, por pa mundur ta lokalizonte fillimisht. Tashmë raportohet se është bërë i mundur arrestimi i tij. Ai tashmë është duke u marrë në pyetje në komisariat për shkaqet e aksidentit dhe arsyet se pse u largua. Fatmirësisht e aksidentuara është jashtë rrezikut për jetën.
