Këshilli i Ministrave ka konfirmuar zyrtarisht krijimin e Agjencisë Shtetërore të Programimit Strategjik dhe Koordinimit të Ndihmës, e paralajmëruar pak ditë më parë nga mediat.
Në vendimin e Këshillit të Ministrave të publikuar sot, bëhet me dije se kjo agjenci (SASPAC) do të ka si mision koordinimin e ndihmës së huaj për programet dhe projektet zhvillimore, asistimin e strukturave vendimmarrëse për hartimin e Strategjisë Kombëtare për Zhvillim dhe Integrim (SKZHI).
Pak ditë më parë, në media qarkulloi lajmi që kjo Agjenci pritet të ketë si kryetar ish-ministrin e Shëndetësisë, Ilir Beqja dhe do të administrojë të gjitha fondet e huaja me një vlerë rekord prej gati 1 miliard eurosh në vit.
