Numri i lartë i të prekurve me Covid-19 e ka shqetësuar Kancelaren e Gjermanisë, Angela Merkel. Në një intervistë të dhënë për mediat vendase, ajo ka pohuar se numri i lartë i pacientëve të prekur me koronavirus në spitalet e vendit, po e brengos.
Merkel ka komentuar situatën e virusit në vend duke ftuar qytetarët që të vaksinohen pasi ende shifrat nuk janë në nivelin që synohet. Më tepër se 3 milionë gjermanë të moshës mbi 60 vjeç ende nuk janë vaksinuar, duke shqetësuar kështu autoritetet gjermane.
Instituti shëndetësor atje raportoi të shtunën për 21 mijë e 543 raste të reja dhe 90 të vdekur përgjatë 24 orëve.
Për sa i përket procesit të vaksinimit, 67% e popullsisë i kanë marrë të dyja dozat.
