Policia e Kosovës ka arrestuar 23 prindër në Kosovë pas një aksioni në mbarë vendin, për të identifikuar rastet e keqtrajtimit të të miturve. Ky aksioni nisi prej datës 25 tetor, ku në përfundim të tij u identifikuan 18 fëmijë lëmoshë-kërkues. 11 prej tyre janë nga Kosova dhe 7 nga Shqipëria.
Krejt ky plan është bërë në koordinim me Qendrat për Punë Sociale. E më të theksuara, rastet e fëmijëve të cilët kërkojnë lëmoshë, janë në komunën e Prishtinës.
Blerim Shabani nga Qendra për Punë Sociale, tregon për numrin e rasteve të kësaj natyre, që kanë identifikuar në kryeqytet.
Këta fëmijë dilnin prej orëve të para të mëngjesit nëpër rrugë për të kërkuar lëmoshë. Në disa raste i shoqëronte një i rritur, ndërsa në pjesën më të madhe qëndronin vetëm. Në këtë mënyrë ata mund të përfundojnë dhe viktima të trafikimit.
