Mjeku grek i Pneumologjisë Theodros Vasilakopoulos është sulmuar në një lokal mbrëmjen e djeshme. Teksa ishte me 20 mjekë në një lokal në Kastraki, ai është sulmuar nga pronari i lokalit dhe djali i këtij të fundit.
Mjeku ka dëshmuar në polici se ishte me kolegë të tjerë në lokal në momentin që i ndodhi sulmi. Mjeku tha se fillimisht i përzunë nga lokali dhe më pas i e shtynë duke i grisur edhe këmishën. “Më kërcënuan se do vinin në spitalin ku unë punoja dhe do më digjnin makinën”, deklaroi ai.
Mjeku shprehet se shkak për këtë sulm janë bërë deklaratat e tij të shpeshta pro vaksinës duke kërkuar të bëhen më shumë kontrolle. “Nuk e imagjinoni dot sa kërcënime kam marrë këtë kohë”, u shpreh mjeku. Ndërsa tha se, këto lloje grupesh janë të porositur nga palët që bindin njerëzit të mos vaksinohen.
