Presidenti i Serbisë, Aleksandar Vuçiç shprehu siguri se institucionet e Kosovës janë në kërkim të mënyrave të reja për të ndërmarrë veprime në veri të vendit.
Përballë kësaj situate, Vuçiç kërkoi nga evropianët që të përdorin ndikim që ata kanë për t’i kërkuar Kosovës të mos e bëjë këtë.
Vuçiç gjithashtu bëri me dije se do të zhvillojë një takim me kryeministrin e Britanisë së Madhe, Boris Johnson, si dhe me zyrtarë të tjerë.
“Atje do të jenë nga Biden deri te Ursula von der Layen, dhe ne do ta shohim kur t’i shoh ata”, tha ai.
Duke folur për qasjen aktuale të Shteteve të Bashkuara të Amerikës, Vuçiç përmedi vitet ’90, duke bërë një krahasim me situatën e tanishme.
“As Serbia nuk është e njëjtë nga vitet 1990, as balanca e fuqisë nuk është e njëjtë, as ne nuk sillemi në atë mënyrë që të nënvlerësojmë. Unë e kuptoj shumë mirë se çfarë është Amerika dhe çfarë fuqie ka ajo. Detyrimi im është ta mbroj vendin tonë”, tha Vuçiç.
