Mbrojtësi i Kombëtares shqiptare, Frenderik Veseli e ka fituar luftën me Covid-19 dhe i është bashkuar skuadrës së Salernitanas në stërvitjet përpara ndeshjes me Napolin që do të zhvillohet sot në orën 18:00.
Shqiptari u infektua gjatë kualifikueseve të Botërorit të muajit tetor dhe që nga ai moment ka qenë në karantinë. Ndërsa tashmë ai është i gatshëm për t’ju rikthyer fushës së blertë për të rimarrë formën e mirë.
Ky është një lajm i mirë për Kombëtaren që para afrimit të grumbullimit për ndeshjet kundër Anglisë dhe Andorës, po i plotësohet grupi.
Teksa duket se edhe Berat Gjimshiti mund ta marrë veten për t’u rikthyer në fushë. Trajneri i Atalantës, Gasperini, deklaroi se ylli i përfaqësueses sonë është afër rikuperimit.
“Gjimshtiti nuk kishte një probleme muskulor. Sapo të ketë sigurinë që nuk do të dëmtohet më, do të mund të luajë”,-theksoi ai. Pra duhet pritur deri sa fraktura të ngjitet dhe të mos rrezikojë nga përplasjet me kundërshtarët gjatë dyluftimeve.
Megjithatë do shihet në vazhdim nëse lojtarët do jenë në gjendje për të luajtur në ndeshjet e fundit kualifikuese të Kombëtares./K.T/Gijotina.com
