Në veri të Kolumbisë janë konfiskuar 2279 kilogramë kokainë.Policia kolumbiane ka konfiskuar kokainën në portin turistik të Cartagena de Indias.
Droga e gjetur nga agjentët ishte e fshehur në pako, brenda një kontejneri që po shkonte në qytetin holandez të Roterdamit.
Gjurmët që çuan në zbulimin e aktivitetit kriminal ishin parregullsitë në dokumentacionin e mallit para se të dërgohej.
Falë kësaj dhe një skaneri që më pas kontrolloi kontejnerin, policia zbuloi pakot e kokainës.
Konfiskimi i kokainës i ka shkaktuar një humbje afro 100 milionë dollarë trafikantëve të drogës.
“Kjo drogë mund të shpërndahej në tregjet e Turqisë, Spanjës, Italisë dhe Shqipërisë”, thotë Ricardo Alarcón, drejtor i Njësisë Kundër Drogës. Deri më tani, gjatë 2021 autoritetet kolumbiane kanë sekuestruar më shumë se 302 ton drogë.
