Janë zbardhur sot detaje që po tronditin opinionin publik rreth ngjarjes në Kamëz, ku 6-vjeçarka akuzona prindërit se e kanë përdhunuar. Pasi kishte marrë dëmtime të rënda në trup, ditën e djeshme mitura fillimisht është dërguar në spitalin e Kamzës nga e ëma e saj. Por, pasi është dhënë ndihma e parë, është përcjellë për në Spitalin “Nënë Tereza”, për shkak të gjendjes së rënduar të saj. Pasi kanë kryer kontrollet, mjekët e spitalit vendosën që vajzës t’i jepet ndihmë e specializuar dhe për këtë shkak është dërguar me autoambulancë në orën 03:00 të mëngjesit të të Shtunës për tek Urgjenca e “Traumës”.
Mjekët tregojnë se, vajza kishte mbërritur në gjendje të fikti dhe me hemorragji të brendshme. Vetëm pasi gjendja e saj u stabilizua disi, vogëlushja ka rrëfyer se plagët ja shkaktoi i ati pasi e kishte dhunuar dhe kafshuar. “Ai më godiste gjithandej!, Më ka kafshuar në trup”, ka thënë 6-vjeçarja.
Ajo akuzoi dhe të ëmën duke thënë se mamaja e zhvishte dhe babai e përdhunonte. Sigurisht që prindërit i hodhën poshtë këto akuza, por ditën e sotme mjekët kanë evidentuar shenja të rënda kudo në trup, ndërsa i evidentojnë si shenja kafshimi. Për këtë kërkohen hetime që mund të vërtetojnë nëse përveç dhunës fizike ka patur ndaj të miturës edhe dhunë dhe abuzim seksual nga i ati. Burime për mediat kanë bërë me dije se babai 27-vjeçar quhet Raimond Kunoraj.
Kujtojmë se, ishte e ëma e të miturës ajo e cila e dërgoi në spital atë dhe një deklaratë për mediat teksa të gjithë prisnin që ajo të ndëshkonte të shoqin dhe të kërkonte drejtësi për vajzën e saj, ajo e mbrojti duke iu drejtuar mjekëve dhe efektivëve që të mos i denoncojnë të shoqin. Ndërsa e pyetur nga mediat ajo është shprehur se vajza nuk ka asgjë dhe se nuk dëshiron të flasë për këtë temë.
