Kufiri i Kapshticës është bllokuar sërish nga radhë të gjata automjetesh. Qytetarët prej një ore presin në pikën e kalimit kufitar për të kaluar në tokën greke.
Nga policia mësohet se shkak i radhëve të gjata është fluksi i madh i turistëve dhe shqiptarëve që jetojnë në Greqi.
Për të shmangur orët e gjata të pritjeve të dyja doganat po punojnë me sportelet maksimale. Në orët në vijim pritet normalizimi i situatës.
Theksojmë se pika kufitare e Kapshticës ka qenë prej kohësh problem për kalimin e automjeteve, ndërsa prej orësh udhëtarët duhet të presin në trafik për të kaluar në Greqi.
