Këtë të hënë do të zhvillohen dy takime të La Ligas, të cilat pritet të zgjojnë shumë interesin e tifozëve shqiptarë.
Rayo Vallecano, ku aktivizohet ylli i Kombëtares shqiptare Ivan Balliu do të përballet me Celta Vigon në orën 18:30, ndërsa Levanet e Shkodran Mustafit dhe Enis Bardhit do ndeshet me Granadan, të dyja takime të vlefshme për raundin e 12 të elitës së futbollit spanjoll.
Balliu është një nga emrat kryesore të Vallecanos dhe në takimin e fundit atë kundër ish-klubit të mbrojtësit shqiptar, Barcelonës që e fituan me rezultatin 1-0, ai ishte titullar dhe vendimtar.
Teksa edhe ditën e sotme pritet të jetë në fushë që nga minuta e parë dhe të japë kontributin maksimal për ekipin e tij.
Vallecano renditet në vendin e 6 të La Ligas me 19 pikë, me kundërshtarët e kësaj sfide që renditen të 14 me 10 pikë të grumbulluara.
Teksa edhe në ndeshjen Levante-Granada që do të nisë në orën 21:00 pritet që vetëm një shqiptar të jetë titullar me vendasit. Duke qenë se Shkodran Mustafi është i dëmtuar dhe nuk mund të luajë ende, Bardhi do jetë i vetmi shqiptar i këtij takimi.
Mesfushori ishte vendimtar në takimin e Levantes me Atletico Madrid, i cili u mbyll me barazimin 2-2 dhe të dy golat u shënuan nga shqiptari i Maqedonisë së Veriut.
Aktualisht Levante renditet në vendin e 19 me 6 pikë, teksa Granada është vetëm një pozicion më sipër me 8 pikë./K.T/Gijotina.com
