Presidenti Ilir Meta ka postuar foto nga takimi që ka zhvilluar me sekretarin e Përgjithshëm të Organizatës Botërore të Shëndetësisë, Dr. Tedros Adhanom Ghebreyesus.
Meta shkruan në Facebook, se kanë biseduar rreth konkluzioneve të Samitit të G20, që në fokus kishte pandeminë dhe rimëkëmbjen ekonomike.
Ndër të tjera, presidenti shprehet se ka informuar Ghebreyesus për pasojat e Covid në vendin tonë dhe ndikimin në jetën e qytetarëve dhe ekonomi.
“E informova lidhur me pasojat e rënda të pandemisë në vendin tonë, veçanërisht për shëndetin dhe jetët e qytetarëve, për ndikimet thellësisht negative në ekonominë shqiptare, si dhe për hapat, që po ndiqen, për tejkalimin sa më parë të pasojave”, shkruan Meta.
Gjithashtu, presidenti shkruan se ka kërkuar një vëmendje më të madhe dhe mbështetje konkrete për Shqipërinë nga OBSH.
