Asnjë gëzhojë arme nuk është gjetur deri tani në vendin ku u ekzekutua ish polici Xhelal Reçi. Ndërsa makina me të cilin u krye krimi është shkrumbuar, skemë kjo që ngre sërish dyshimet se kemi të bëjmë me një atentat të mirë organizuar dhe vrasës me pagesë. Dyshohet se autorët të cilët nga burimet paraprake që ka siguruar gijotina.com kanë rënë në gjurmët e ish-policit, deri në ekzekutimin final të tij në qendër të Laçit, ku mesa duket nuk ka patur dëshmitar okularë. Të tunduar nga ky vëzhgim, autorët duket se kanë bërë një lëvizje të gabuar pasi, vrasjen e kryen në një vend ku është rrethuar nga kamerat e sigurisë.
Burime për gijotina.com bëjnë me dije se ish- polici është zënë pritë dhe është qëlluar me 2 plumba.
Mjeti i djegur që dyshohet të jetë përdorur nga autorët është një “Toyota Yaris” që rezulton e vjedhur, ndërsa i ishin ndryshuar edhe targat të cilat ishin po të vjedhura italiane.
Po ashtu burime për gijotina.com bëjnë me dije se makina rezulton me targa greke e vjedhur para një muaji në Mbrostar të Fierit. Pasi i kanë vënë flakën në Milot, janë larguar drejt zonave të thella të veriut të vendit.
Kamerat e sigurisë pritet të zbardhin çdo lëvizje të autorëve të cilët janë përpjekur të fshehin çdo gjurmë nga vendi i krimit, pasi edhe arma nuk është gjetur ende nga grupet hetimore.
