U shfaq për herë të parë në vitin 2019 në Kinë dhe mori përmasa globale, duke “paralizuar” çdo aktivitet të konsideruar deri në momentin që Covid-19 ndryshoi rrjedhën e gjithçkaje.
Në më pak se dy vite si pasojë e infektimit me këtë virus, mbi 5 milionë persona kanë ndërruar jetë.
Vendi që mban numrin më të lartë të jetëve të humbura është SHBA, me mbi 740.000 persona që nuk e fituan dot betejën më virusin.
Shtetet e Bashkuara, Bashkimi Evropian, Britania e Madhe dhe Brazili, përbëjnë një të tetën e popullsisë në botë, por gati gjysmën e të gjitha vdekjeve nga COVID-19, sëmundja që shkakton koronavirusi.
Në vendin tonë që nga nisja e pandemisë e deri në këto momente 2902 persona kanë ndërruar jetë si pasojë e Covid-19.
Numri i viktimave, sipas të dhënave të Universitetit Johns Hopkins, është i barabartë me popullsitë e kombinuara të Llos Angjellesit dhe San Franciskos.
Në nivel global, koronavirusi tani është shkaktari i tretë që çon në vdekje, pas sulmit në zemër dhe goditjes në tru. Shifrat zyrtare konsiderohen se janë më të ulëta sesa gjendja reale, për shkak të testimeve të kufizuara në disa vende dhe mosraportimit të vdekjeve nëpër spitale, në vendet e varfra.
