Një 41-vjeçar shqiptar i identifikuar me emrin Muhabi Islami nga Begraca e Kaçanikut, është gjetur pa shenja jete, pas 5 muajsh në kërkim.
Lajmin për gjetjen e viktimës e kanë bërë të ditur familjarët në faqe në rrjetin social Facebook.
“Kaçanik, Begracë. Gjendet pa shenja jete, Muhabi Islami personi i cili ishte zhdukur para disa muajve i moshës 41 vjeç nga fshati Begracë. Ngushllime”, thuhet në njoftim.
Ndërkaq, viktima sipas familjarëve me datën 07.06.2021, kishte dalur nga shtëpia duke mos u kthyer më.
Pas njoftimit nga familja për zhdukjen e tij, ekipe të përbashkëta të policisë nga rajoni i Ferizajt ,FSK, Zjarrfikësve dhe 40 vullnetarë, kishin nisur kërkimin e tij.
