Ish-kryeministri Sali Berisha ka reaguar ditën e sotme në lidhje me dorëheqjen e Zoran Zaev, duke thënë se i përshëndet maqedonasit që votuan kundër tij. Sipas Berishës ai bëri gabimin më të madh që shkoi drejt Beogradit për “Open Balkan” në vend që të përpiqej kundër Serbisë së madhe.
“Një përshëndetje dua t’i dërgoj nga kjo Foltore votuesve të Maqedonisë së Veriut që ia prenë biletën një aventurieri, i cili e shndërroi Maqedoninë e Veriut në një mollë sherri midis Bullgarisë dhe Serbisë. Ky politikan i verbër harroi se Maqedonia e Veriut për Serbinë nuk ka qenë gjë tjetër veçse pjesë e Serbisë. Maqedonia u krijua për të mos lejuar formimin e Serbisë së Madhe por as atë të Bullgarisë së Madhe. Por ky vrapoi drejt Beogradit njësoj si të ishte i biri i Pashiqit (Nikola Pasic). Zhvillimi i madh pozitiv në Maqedoninë e Veriut ishte se aty ku u pagëzua me emrin e George Sorosit Ballkani i hapur, aty dhe vdiq dy ditë më parë nga vota e qytetarëve të Maqedonisë”, tha ai.
Sipas Berishës, si maqedonasit duhet të veprojnë edhe shqiptarët që të mos lejojnë zgjerimin e “Open Balkan”.
