Gjyshërit e 6-vjeçares: “Është montazh, nusja do të na bëjë keq”

Babi i vajzës 6-vjeçare që u dhunua në Kamëz u la në burg nga Gjykata e Tiranës.

Teksa raportohet për dëmtime të brendshme dhe të nxira në organet gjenitale, gjyshërit e vajzës zgjedhin të mos e besojnë se djali i tyre është autor i kësaj ngjarjeje, sipas tyre kjo është një sajesë e mamasë së vajzës.

“Nuk jemi të bindur. Duhet të jetë një montazh, manipulim… Nuk e besoj kurrë. Mund të jetë gruaja e tij me fisin e vet pas kësaj. Nëse vërtetohet se ai e ka prekur vajzën ashtu, djali s’do do të jetë djali im” – tha gjyshi i së miturës.

Ndërsa gjyshja e vajzës dyshon se është gjithçka një montazh, referuar dhe marrëdhënieve që ka patur me mamanë e vajzës pas ndarjes nga djali i saj.Ajo shprehet se num lejohej të takonte vajzën dhe nusja ka interes t’i bëjë keq familjes së burrit.

“Unë mendoj që është e montuar, s’ka mundësi të jetë e vërtetë. Ata janë ndarë kur lindi vajza, patën tradhti, por ata e dinë vetë, e ka çuar burrin tim në polici, gjoja se e ka dhunuar burri im.

Donte të na fuste në burg. Nuk na linte të takonim mbesën. Ajo më ka thënë që ka fol me vajzën dhe vajza ka thënë që s’më ka prek babi. Nusja ka pas interes me na bë keq, me na shujt si fis, më ka thënë “ke për ta parë se çfarë do t’i bëj” – u shpreh gjyshja.

Sipas mjekëve, 6-vjeçarja kishte në të pasmet e saj hematoma dhe shenja kafshimi, por më problem ishin zorrët e saj. Nga analizat transaminazat e mëlçisë nga 5 që është normalja vlera ka qenë 2000.

Edhe pse në gjendje të rëndë, vajza krahas ndërhyrjes së parë po mendohet se duhet që t’i nënshtrohet një tjetër ndërhyrjeje kirurgjikale pasi shumë organe të brendshme përfshi dhe pankreasin i ka të dëmtuara.

Vetë nëna e 6-vjeçares së dhunuar në Kamëz nga babai tha se bashkëshorti e kishte kafshuar dhe goditur me thupër. Ata kishin 6 vjet të ndarë dhe ishin bashkuar prej 1 muaji. 27-vjeçari u arrestua pak ditë më parë, pas denoncimit të Spitalit Pediatrik “Nënë Tereza” në Tiranë, pasi u konstatua se e mitura kishte shenja dhune. Vajza ka dëmtime të brendshme dhe të nxira në organet gjenitale.