Qeveria greke ka vendosur të ashpërsojë masat anti-covid, pasi ditën e sotme është një rekord rastesh të reja infeksioni, 6700. Lajmin e Bëri të ditur, Ministri i Shëndetësisë, Vassilis Kikiliaspas, i cili tregoi se masat e reja do të hyjnë në fuqi këtë të shtunë dhe se në fokus kanë personat e pavaksinuar.
Sipas vendimit, të gjithë punonjësve të pavaksinuar, në sektorin publik apo atë privat, do t’u kërkohet të bëjnë dy teste në javë, të shpejta ose PCR. Ndër të tjera është vendosur që, për hyrjen në banka, ambiente argëtimi, hotele, dyqane, parukeri, pra aktivitetet që nuk konsiderohen të domosdoshme, do të jetë e detyrueshme demonstrimi i testit të shpejtë ose PCR për të provuar se nuk je i infektuar.
Ai theksoi se nuk do të bëhet asnjë tolerim, duke shprehur ultimatum se, bizneset që nuk do të respektojnë rregullat e vendosura do të gjobiten me 500 euro, duke rrezikuar edhe pezullimin e aktivitetit për 15 ditë. Po ashtu lista e bizneseve që do të shkelin rregullat, do të bëhet publike. Ministri u shpreh se, nga data 5 nëntor do të fillojë edhe aplikimi i dozave të treta për ë gjithë qytetarët mbi 18 vjeç.
Discussion about this post