Një tjetër skandal është bërë publik në lidhje me çiftin Wanda Nara-Mauro Icardi dhe aktoren China Suarez.
Pas pajtimit mes lojtarit të PSG-së dhe bashkëshortes së tij, raportohet se së fundmi sulmuesi është takuar me aktoren në një hotel në Paris.
Gazetarja e njohur Yanina Latorre, e cila ka qenë ndër të parat që ka dhënë informacione të sakta në lidhje me ketë histori, ka treguar se argjentinasi dhe aktorja janë takuar së fundmi.
“Icardi dhe China u takuan në një hotel në Paris. Futbollisti pagoi fluturimin e saj drejt kryeqytetit të Francës. Wanda zbuloi gjithçka përmes e-mail dhe tani po kërkon më shumë prova.”-raportoi gazetarja.
Ndërsa më tej bëri me dije se modelja është larguar sërish nga Franca dhe çifti janë në krizë edhe më të thellë tani. Duket se falja dhe tërheqja nga divorci i Wandës nuk bën që lidhja e tyre të funksiononte, pasi lojtari është takuar sërish me aktoren që tradhtoi bashkëshorten./K.T/Gijotina.com
Discussion about this post