Edi Rama tjetër lëvizje në arsim, shkarkohet Oltion Rrumbullaku, zbulohet kush e zëvendëson

Këshilli i Ministrave ka marrë vendimin që emërton Albana Tolen si zv.ministre e Arsimit dhe Sportit

Tole zëvendëson Oltion Rrumbullakun, i cili lirohet nga detyra si zëvendësministër i Arsimit.

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Albana Tole emërohet zëvendësministër i Arsimit dhe Sportit.

Vendimi për lirimin nga detyra të Oltion Rrumbullaku, zëvendësministër i Arsimit dhe Sportit, është bërë me propozim të kryeministrit Edi Rama dhe është miratuar nga Këshilli i Ministrave.

Oltion Rrumbullaku gëzonte postin si zv.Ministër i Arsimit që në dhjetor të vitit 2019, ndërkohë që kujtojmë se kjo nuk është lëvizja e vetme që po bëhet në Ministrinë e Arsimit.

Ditën e djeshme, ministrja e Arsimit, Evis Kushi shkarkoi nga detyra drejtoreshën e Shërbimeve Arsimore, Rezana Vrapi e cila u zëvendësua nga Aurora Balliu.