Ish-deputeti i PD ka deklaruar ditën e sotme se Rama hedh baltë e vrer ndaj kujtdo që flet kundër tij. Sipas Hasës, kjo është arsyeja që në ditët e fundit ai del në forume dhe konferenca dhe sulmon PD. Hasa thotë se në këtë mënyrë ka vepruar Rama në 8 vite, por më keq akoma bëhet situata ku njerëz të gënjyer nga propaganda, dëgjojnë Ramën dhe sulmojnë PD pse denoncon shkeljet e qeverisë.
“Në 8 vite Edi Rama ka besuar dhe është investuar që të ngjaj dikush që nuk është, përmes shumave të pazakonta që paguan çdo muaj për patronazhistët e tij në rrjetet sociale.Për shumë nga ata që i njohin këto rrjete dhe marrin në mënyrë të vazhdueshme të dhëna për atë që ndodh me to, është e thjeshtë të kuptoj se çfarë shumash paguhen çdo muaj për të kuruar figurën e degraduar të Edi Ramës! Apo akoma më shumë, për të njollosur me baltë dhe helm këdo që sipas tyre është kundër “SHEFIT TË MADH”. Por ka disa javë që po me të njëjtin zell dhe me të njëjtën gjuhë helmi e balte demokratët po goditen dhe bëhen pis, vetëm se këtë herë ka ndryshuar “dora””, shkruan ai.
Sipas Hasës, është e turpshme që Rama vë në lëvizje dhe patronazhistët për të mbuluar pisllëqet e veta dhe njollosur PD-në.
Discussion about this post