Nikolin Jaka, kreu i Dhomës së Tregtisë dhe Industrisë së Tiranës, ka deklaruar ditën e sotme se është i zhgënjyer nga propozimet e qeverisë në lidhje me sistemin e taksave. Sipas tij, kjo është një paketë fiskale që nuk pritej nga sipërmarrësit, veçanërisht në këtë prag fundviti.
“Mendonim që një qeveri e rimandatuar për herë të tretë do të bënte një paketë që do të ishte një reformë e thellë në ekonomi, që do të merrte parasysh te gjithë sektorët e ekonomisë, duke patur në fokus dhe prioritet, në veçanti bujqësinë”, tha Jaka.
Sipas tij, qeveria po shkon në rrugën e gabuara dhe po nxit më shumë informalitetin. “Në qoftë se mendojmë se do të kemi informalizim të ekonomisë bujqësore në sektorët e pemëtarisë, blegtorisë apo fruta-perimet, duke hequr në radhë të parë atë 6% që ishte një ndihmë minimaliste, që kompensonte mungesën e kostos së TVSH-së, mendoj se jemi në rrugën e gabuar”, u shpreh ai. Jaka paralajmëron se grupi i interesit është në negociata permanente dhe intensive me Ministrinë e financave dhe bujqësisë, takimet do të vijojnë, dhe se objektivat janë të thjeshta.
Discussion about this post