Në saj të dorëheqjes së Zoran Zaev, ka qenë zv.kryeministri Nikolla Dimitrov që ka përfaqësuar Maqedoninë e Veriut në konferencën e “Open Balkan”.
Në krah të Ramës e Vuçiç, Dimitrov tha se duhet shtuar bashkëpunimi mes vendeve për të treguar që nuk ka probleme në rajon.
“Do të ishte shumë mirë nëse do të hiqnim pengesat tregtare dhe të bashkëpunonim në rajon. Sa më shumë të bashkëpunojmë tregojmë se jemi një rajon që nuk importojmë probleme. Jemi zotër të rezultateve. Kjo ka qenë përvoja ime kur takova përfaqësuesit e dhomës së tregtisë. Në transporte humbasim të paktën tre javë për pritjen e një laboratori, pavarësisht se dy vendet fqinje dhe mike kanë mundësi mjaftueshëm që të kenë miratimin e vetëm një laboratori, qoftë maqedonas apo serb. Kemi hartuar një plan specifik për të tejkaluar këto mangësi. Kemi vullnet politik që mund të shndërrohet dhe kthehet në zgjidhje legjislative. Ajo çfarë na mungon është fokusi tek zbatimi”, tha Dimitrov.
Ai konfirmoi prezencën e Maqedonisë në takimin e radhës në Tiranë, duke thënë se marrëveshjet që do të nënshkruhen, do të tërheqin dhe vendet e tjera të jenë pjesë.
Discussion about this post