Artisiti, Robert Dragot Aliaj, me anë të një postimi në rrjetin e tij social Instagram, ka shprehur mendimin në lidhje me komunitetin LGBTI+, duke thënë se po jetojmë në një epokë, ku sipas tij një minoritet absolut po i imponohet një maxhoriteti.
Ai thekson se ka një tendencë të tmerrshme në rritje që kushdo që ka një pikëpamje të kundërt ndaj këtyre fenomeneve të mbështetura nga LGBTI+, të denigrohet, të atakohet dhe të quhet racist, ksenofob ose më keq.
“Është e paimagjinueshme që po jetojmë një epokë me b*thë përpjetë ku një minoritet absolut po i imponohet maxhoritetit absolut. Kujtoj kërcënimin e një pastori live ne televizionin Top Channel. Ka një tendencë të tmerrshme në rritje që kushdo që ka një pikëpamje të kundërt ndaj këtyre fenomeneve të mbështetura nga LGBT (të politikave identitare gjinore, mohimit të mëmësisë apo atësisë, imponimit të dhunshëm të një modeli degradues shoqëror,) të denigrohet, të atakohet dhe të quhet racist, ksenofob ose më keq. Çdo formë e debatit racional është bërë e vështirë nëse jo e pamundur, me keq se në diktaturë.” – tha Robert Aliaj.
Ai shton se këto klane të rrezikshme kërkojnë të fusin hundët dhe të korrigjojnë të pakorrigjueshmen, gjëra që nuk pasqyrojnë shtigjet individuale të secilit, as ato shoqërore.
“Ky imponim është në të njëjtën kohë, i pamundur dhe i padëshirueshëm. Këto klane të rrezikshme kërkojnë të fusin hundët dhe të korrigjojnë të pakorrigjueshmen, gjëra që nuk pasqyrojnë shtigjet individuale të secilit, as ato shoqërore. Është kjo luftë kundër bërthamës së familjes miliardavjeçare? Jeni Ju dakord me komercializimin e fëmijëve, konvertimin e tyre në mall apo qe shumë shpejt te keni mundësi të blini fëmijë në supermarket sipas nevojave të secilit?” – shprehet artisit.
Rikujtojmë se dje LGBTI+ ka reaguar ndaj moderatorëve të emisionit “Stop”, pasi sipas tyre, ata përdorën gjuhë urrejtje ndaj personave që i përkasin këtij komuniteti.
Discussion about this post