Duke nisur që nga viti 2025 të gjitha taksitë e reja në Athinë dhe Selanik do të jenë elektrike ose me emetim zero, bëri me dije kryeministri i Greqisë, Kyriakos Mitsotakis.
Ai iu referua gjerësisht angazhimeve të ligjit për klimën dhe përveç taksive, vuri në dukje se kjo masë do të zbatohet për 1/3 e automjeteve me qira.
Përveç kësaj, ai theksoi se nga viti 2030 do të ndalohet shitja e makinave të reja me motorë me djegie të brendshme.
Makinat Elektrike konsiderohen si një alternativë udhëtimi më e mirë, për shkak se përdorimi i tyre redukton ndotjen e mjedisit. Ato nuk prodhojnë gazra nga marmita, të cilat janë të njohura si kërcënim serioz për shëndëtin publik dhe për mjedisin. Për krahasim, një makinë mesatare karburanti prodhon mbi 560 gramë CO2 për kilometër.
Discussion about this post