Ekipi i presidentes së Komisionit Evropian, Ursula von der Leyen, mbrojti vendimin e kësaj të fundit për të marrë një fluturim 19-minutësh me aeroplan privat, me argumentimin se nuk kishin opsion tjetër më efikas se ky.
Von der Leyen u përball me kritika që kur u mësua se këtë javë se gjatë muajit qershor ajo kishte fluturuar midis Vjenës dhe Bratislavës , si pjesë e një turneu në kryeqytetet e BE-së për të diskutuar fondin stimulues të pandemisë së rimëkëmbjes së bllokut.
Fluturimi Vjenë-Bratislavë prej 50 kilometrash, sipas zëdhënësit të saj, ishte pjesë e një udhëtimi dy-ditor të planifikuar, që përfshinte fluturime në pesë vende anëtare të BE-së.
Zyrtarja e lartë e BE-së, argumentoi se nuk mund të udhëtonte me makinë sepse i duhej të vazhdonte në Letoni për një takim në mbrëmje në Riga, tha Mamer.
Udhëtimi i kryer me avion privat nga Ursula von der Leyen, është një distancë prej më pak se 100 kilometra dhe zgjat rreth një orë me makinë.
Sekretari i Përgjithshëm i Shoqatës së Tatimpaguesve Evropianë Michael Jaeger u shpreh se ky vendim se ishte një mëkat ekologjik, që i kushtoi taksapaguesve para dhe kohë, por mbi të gjitha besueshmëri.
Komisioni i Von der Leyen e ka bërë ndryshimin e klimës një fokus kyç, me politikat kryesore për tranzicionin e bllokut në një ekonomi neto zero të promovuara këtë javë në samitin e klimës COP26 të OKB-së në Skoci.
Discussion about this post