Zv.ministrja e Shëndetësisë, Eugena Tomini, ka sqaruar sot diskutimet që kanë nisur në rrjet rreth deklaratës së ministres Manastirliu, e cila tha se do të kërkohet “Green Pass” për të hyrë në lokale.
Tomini tha gjatë një deklarate se, Manastirliu ka bërë krahasim me vendet që ndodhen në situatën tonë, por që deri tani nuk është marrë ndonjë vendim konkret për diçka të tillë.
“Në kuadër të debateve në Parlament, ministrja u shpreh në këndvështrimin e një retorike. Duke parë situatën epidemiologjike, duke vlerësuar ecurinë e masave në ambientet e mbyllura, nuk është opsion i padiskutuar, por ministrja bëri paralelizëm me vendet e tjera evropiane”, tha ajo.
Ilaçi kundër Covid-19, i aprovuar sot në Britaninë e Madhe, sipas Tominit, do të lehtësojë pandeminë dhe prezencën e virusit pasi të përfundojë kjo pandemi. Sakaq, ajo vuri në dukje se ka pësuar një incidencë në rritje të infektimeve në vendin tonë në javët e fundit.
Discussion about this post