OKB: Çmimet shënojnë rritjen më të lartë që prej një dekade

Organizata e Kombeve të Bashkuara për Ushqimin dhe Bujqësinë (UNFAO) ka njoftuar se çmimet globale të ushqimeve janë rritur me 30% krahasuar me vitin e kaluar.Sipas kësaj të dhënë, çmimet e ushqimeve kanë arritur nivelin më të lartë të shënuar prej më shumë se 10 vitesh.

Ndërprerjet e furnizimeve, çmimet e larta të mallrave, mbyllja e fabrikave dhe tensionet politike po ndihmojnë në rritjen e çmimeve.

Çmim në rritje u vërejt tek drithërat dhe vajrat bimorë në mbarë botën. UNFAO tha se çmimet e drithërave janë rritur me më shumë se 22% krahasuar me një vit më parë.

Me thuajse 10% në tetor u rrit çmimi për vajit vegjetal.

Një ndër produktet që ka pësuar rritjen më të madhe të çmimit është gruri, i cili është rritur me thuajse 40% rritje në vitin e fundit.Kjo rritje vjen si pasojë e korrjeve të dobëta që vendet eksportues patën.

UNFAO tha se indeksi i çmimeve të vajit vegjetal u rrit nga rritja e kostos së vajrave të palmës, sojës dhe lulediellit.

Të prekur nga kjo rritje janë dhe qumështi me nënproduktet e tij, që ka shënuar një rritje prej 16% nga një vit më parë.

Ekspertët shpjeguan  se spekulimet në tregjet globale po kontribuojnë gjithashtu në paqëndrueshmërinë e çmimeve.Sipas tyre, çrregullimi i tregtimit të së ardhmes së mallrave ka bërë të mundur që investitorët institucionalë të hyjnë në këtë treg në një shkallë të gjerë.

Problem me furnizimin me produktet bazë do të hasin vendet të cilat mbështet në importin e tyre më shumë sesa në prodhim vendas.

Vende si Egjipti apo vende të tjera të Lindjes së Mesme pritet të përjetojnë tensione në furnizimin e tyre me drithëra.

Më të prekur nga kjo rritje duket se do të jenë shtresa e varfër e shoqërisë, gjë e cila mund të sjelli dhe tensione socialo-politke.