I cilësuar si burgu me kushtet më të vështira në Shqipëri, burgu i Zaharisë do të mbyllet.Lajmi u bë i ditur nga ministri i Drejtësisë, Ulsi Manja, i cili njoftoi se të gjithë të dënuarit që janë aktualisht në Zahari do të transferohen në burgun e Shënkollit, në të cilin do të jenë gati blloqet 4 dhe 5 që janë përshtatur si spital.
Burgu i Zaharisë në Krujë, i ndodhur vetëm 15 kilometra larg nga kryeqyteti, konsiderohej si ferr për të dënuarit.Prej vitesh organizmat ndërkombëtare kanë kritikuar ashpër Shqipërinë për situatën në burg e Zaharisë, një institucion ku mblidheshin të dënuarit me probleme të shëndetit mendor.
Burgu psikiatrik i Zaharisë ka 284 të burgosur, kur kapaciteti maksimal i tij është 196 të burgosur. Një një dhomë me sipërfaqe 12 metra katrorë strehohen pesë të dënuar, në kundërshtim me standardet minimale të pranuara nga Këshilli i Europës që thotë se çdo i dënuar duhet të ketë 4-6 metra katrorë hapësirë në dhomë.
Për 284 të burgosur burgu ka vetëm 2 mjekë psikiatër, një farmacist që punon me kohë të pjesshme dhe shumë pak sanitarë, ndaj në shumicën e kohës nevojat e të burgosurve për trajtim nga mjekët nuk mbulohen.
Discussion about this post