Ronaldo legjenda ka folur së fundmi në lidhje me cilësimet që i bëhen atij dhe Cristianos.
I pyetur nga Fabio Cannavaro në një ‘Insta-Live’ për t’u quajtur ‘Ronaldo i vërtetë’, 45-vjeçari tha: “Për CR7, duhet të jetë e mërzitshme të dëgjosh se unë jam Ronaldo i vërtetë. Njerëzit nuk mund të krahasohen. Cristiano do të mbetet në historinë e futbollit për golat dhe për vazhdimësinë që ka arritur. Ai do të mbetet një nga më të mirët, si Messi”.
Braziliani u shpall më i miri në botë para se të mbushte 21 vjeç në 1996 dhe përsëri një vit më vonë. Ai përfundoi i dyti në 1998 dhe ndoshta do ta kishte fituar çmimin edhe atë vit po të mos ishte për dëmtimin e tij në ditën e finales së Kupës së Botës.
Fituesi i Kupës së Botës 2002 pati një karrierë shumë të mirë, por do të ishte edhe më mirë nëse nuk do të kishte pasur dëmtimet e rënda që e preknin vazhdimisht, veçanërisht problemet e përsëritura të gjurit.
Është diçka që Cristiano Ronaldo ka pasur fatin ta mbajë larg për pjesën më të madhe të karrierës së tij, pasi gjendja e tij fizike as nuk është përkeqësuar shumë, pavarësisht se ka mbushur 36 vjeç.
Kthimi i pesë herë fituesit të Topit të Artë në ‘Old Trafford’ ka rezultuar shumë pozitiv, duke shënuar 9 herë në 11 ndeshje.
Ronaldo është bërë një pikë qendrore në sulmin e ‘Djajve të Kuq’, pavarësisht presionit në rritje ndaj trajnerit Ole Gunnar Solskjaer.
Pavarësisht këtij presioni, Ronaldo thuhet se mbetet i sigurt në aftësitë e menaxherit të tij. Ndërsa duket se Ronaldo dhe Ronaldo do të lidhen përgjithmonë me emrat e tyre./K.T/Gijotina.com
Discussion about this post