Kuvendi ka vendosur që t’i drejtohet Komisionit të Venecias për të marrë një opinion lidhur me ndryshimet kushtetuese për zgjatjen e mandatit të organeve të vettingut.
Ky propozim është dhënë sot nga mazhoranca në Komisionin e Ligjeve dhe u miratua vetëm me votat e saj.
“Kemi lënë në mbledhjen e kaluar për të vendosur për marrjen e një opinioni nga Komisioni i Venecias dhe unë i ftoj kolegët ta miratojmë sot, pasi edhe koha e mjaftueshme në dispozicion është e tillë që duhet të veprojmë shpejt”, u shpreh deputetja Klodilta Bushka. Ndërsa Fatmir Xhafaj ishte i vetmi deputete socialist që abstenoi, duke thënë se nuk do që ky diskutim të zgjatet më shumë.
Socialistët kërkojnë që zgjatja e mandatit të jetë deri në 31 dhjetor të 2024, pra me 2 vite e gjysmë. Ndërkohë, organeve të vettingut i përfundon mandati në qershor të vitit 2022.
Discussion about this post