Ish-kryeministri Sali Berisha ka denoncuar një rast të ndodhur gjatë numërimit të votave për zgjedhjet e 25 prillit. Ai deklaroi sot nga Lushnja, ku mbajti “Foltoren Radhës, se në qytetin e Elbasanit, numëruesit kërcënoheshin nga tipa që konsideroheshin “të fortët”.
Sipas Berishës, këta autorë rrinin gjithë ditën rreth vendnumërimit dhe iu kërkonin që votat të kalonin në favor të Partisë Socialiste dhe asnjë për Partinë Demokratike.
“Numëruesit tanë, në Pallatin e Sportit në Elbasan, gra dhe djem heroike, të braktisur. Çfarë bënin kriminelët aty? Një gangster i binte pallatit vërdallë dhe terrorizonte vajzat që numëronin. ‘Mos guxo të thuash PD, do nxjerrësh votën PS’. Dhe ajo ishte e pambrojtur nuk kishte kush ti dilte zot aty sepse ky ishte organizimi. A mund të pranojnë ne një gjë të tillë? Ky është një poshtërim që na ka bërë Edi Rama dhe do përgjigjet deri më një. Ja tregojmë ne si mund të terrorizojë demokratët me banditët e tij”, tha Berisha. Sipas tij, qytetarët janë të vetëdijshëm se u është cenuar vota, prandaj ka ardhur koha të ngrihen dhe të kërkojnë të drejtat e tyre.E.H/Gijotina.com/
Discussion about this post