Një 25-vjeçar nga Dibra Ilir Naim Daka është denoncuar i zhdukur prej tri ditësh në Tiranë. Ai ka humbur kontaktet me familjarët dhe të dashurën e tij, me të cilën bashkëjetonte në kryeqytet.
Denoncimi është bërë nga vëllai i tij, i cili thekson se telefonata e fundit me 25-vjeçarin është bërë në orën 19:00 të datës 17 maj, me të dashurën e tij, ku e kanë lënë që do të takoheshin, pasi të mbaronte punën nga Sheshi “Ëillson” në drejtim të Rrugës së Kavajës.
Familjarët e të riut kanë kallëzuar në Policinë e Tiranës, por nuk kanë marrë asnjë përgjigje dhe kërkojnë që shteti të nisë kërkimet më të detajuara. Ata kanë dyshime se djali i tyre mund të jetë marrë peng, pasi vetë Policia e Tiranës ka njoftuar se 25-vjeçari është marrë peng.
