Të paktën tetë persona humbën jetën e shumë të tjerë u plagosën nga rrëmuja që nisi mes turmës së përfshira nga paniku gjatë hapjes së festivalit muzikor Astroworld në Hjuston të Teksasit.
Ngjarja ndodhi në mbrëmje kur turma filloi të shtyhej drejt skenës dhe kjo shkaktoi frikë tek ata që ishin në radhët e para. Departamenti i zjarrfikësve transportoi 17 persona në spitale; 11 nga të transportuarit ishin në arrest kardiak.
Vdekjet ndodhën kur turma u zmadhua ndërsa këndonte reperi Travis Scott, partneri i Kylie Jenner.
Gati 50 mijë vetë ishin mbledhur për të marrë pjesë në aktivitetin dyditor. Dita e dytë e festivalit është anuluar.
Discussion about this post