Rusia ka regjistruar numër rekord të rasteve ditore të personave të prekur nga koronavirusi.
Sipas shifrave të publikuara nga qeveria, në 24 orët e fundit janë konfirmuar 41,335 raste të reja. Ky është një rekord që prej fillimit të pandemisë. Gjithashtu raportohet se janë regjistruar 1888 viktima.
Rusia është vendi më i prekur në Evropë, me më shumë se 8.7 milionë raste që nga fillimi i krizës shëndetësore dhe një numër vdekjesh prej afro 450 mijë.
Presidenti rus, Vladimir Putin, shpalli një periudhë pushimi nga 30 tetori deri më 7 nëntor për të frenuar infeksionet.
Pavarësisht masave shtrënguese, sërish numri i personave të infektuar në Rusi ka ardhur duke u rritur.
Discussion about this post