Një nga aeroportet më të ngarkuara të Spanjës u mbyll për gati katër orë të premten pas një përpjekjeje të emigrantëve për të hyrë ilegalisht në vend. Mediat ndërkombëtare shkruajnë se një aeroplan që fluturonte nga Kazablanca e Marokut për në Stamboll, u devijua në Palma de Mallorca pasi në bord u raportua një urgjencë mjekësore.
Kur avioni u ul, 21 pasagjerë u larguan me vrap nëpër pista, duke u arratisur mbi gardhin rrethues të aeroportit. Nga 21 pasagjerët e arratisur, 9 prej tyre janë arrestuar. Ndërkohë që momentalisht po hetohet nëse ikja e grupit nga avioni ishte spontane apo një komplot i përpunuar për të emigruar ilegalisht.
Zyrtari më i lartë i qeverisë spanjolle për Ishujt Balearik, Aina Calvo, tha se ngjarja ishte e paprecedentë për një aeroport spanjoll. Ngjarja filloi kur shërbimet e urgjencës hipën në aeroplanin e Air Arabia Maroc për të evakuuar një maroken që thuhet se kishte rënë në koma diabetike. Ndërsa e bënë këtë, 21 pasagjerë të tjerë vrapuan nga shkallët dhe u larguan, duke u fshehur nën avionët e parkuar.
Pasi një kontroll shëndetësor në një spital, u zbulua se ai ishte në gjendje të mirë pasi u lirua nga spitali dhe u arrestua për hyrje të paligjshme në vend.
Discussion about this post