Dhunë në familje dhe prodhim narkotikësh, pesë të arrestuar në Tiranë

Pesë persona janë vënë në prangat e policisë së Tiranës, pasi akuzohen për vepra të ndryshme penale.

Sipas njoftimit, në pranga ka rënë një 21-vjeçar pasi Gjykata e Rrethit Gjyqësor Tiranë, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”, e kryer në bashkëpunim.

Një person është arrestuar pasi posedonte armë të ftohtë me vete, ndërsa një tjetër për dhunë fizike dhe psikologjike ndaj bashkëshortes.

Ndërsa, dy persona u arrestuan pasi u kapën duke drejtuar mjetet përkatëse në gjendje të dehur. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.