Ish- konkurrenti i Big Brother bën deklaratën e fortë për produksionin: Fituesi vendoset në fillim

Ish konkurrenti i BB2,  Elton Tozaj ka bërë një deklaratë të  fortë ndaj produksionit.  Tozaj tha se fituesi i këtij formati projektohet që në fillim.

Ndërsa ka shtuar se ai merrte instruksione nga Big Brother, që ata të rrëfeheshin për banorët e tjerë.

“Atje fituesi projektohet që në fillim. Kam përshtypjen, jo kam por e kam bindje sepse më ka qëlluar dhe mua qe të marr instruksione për sa kohë kam qenë brenda. Dhoma e rrëfimit nuk është që ti vetëm të rrëfehesh. Ajo është dhe për marrë instruksione”- u shpreh ai duke pranuar se dhe vete ka marrë instruksione nga produksioni.

Diskutime të tilla janë aluduar edhe nga banorët e edicioneve të Big Brother të shfaqura në ekranet shqiptare ndër vite. Deklarata dhe prapaskena që vënë në dyshim transparencën e produksionit ndaj publikut të madh që i ndjek.

Vetëm pak ditë më parë, ka qenë Monika Lubonja, ajo e cila ka hedhur disa herë “akuza” dhe dyshime ndaj programit që produksioni “Vëllait të Madh”, ndjek.