“Çdo vit Tiranës do t’i shtohen 100 mijë pemë të reja.”, është ky premtimi i kryebashkiakut të Tiranës, Erion Veliaj teksa shfaqej duke mbjellë pemë dhe duke u zotuar se ky standart do të respektohet.
Përtej aparatit të propagandës së Veliajt fshihet një tjetër realitet në kryeqytetin e betonizuar.Në zonën prapa “Sheraton”-it, një ndër të paktat vende të gjelbërta duket se është zhveshur nga bimësia. Pemët, fushat, bimët po zhduken të gjitha, ku siç duket nga fotot do të kryhen punime.
Ndërtesat qiellgërvishtëse dhe lejet pa kriter të ndërtimeve po çojnë në humbjen e identitetit të kryeqytetit. Studiuesit vazhdimisht kanë ngritur alarmin për shkatërrimin dhe zhdukjen e monumenteve dhe siteve bashkë me një pjesë të historisë shqiptare. Sipas tyre, situata ku ndodhemi vjen si pasojë e filozofisë së partneritetit publik-privat dhe privatizimi i pronave që u përkasin të gjithëve.
Që kur Veliaj ka marrë postin e kryetarit të Bashkisë Tiranë, në kryeqytet numërohen minimalisht 540 kulla, që nëse konvertohen në para, sipas të dhënave zyrtare të INSTAT, përkthehen në 2.2 miliardë euro beton.
Discussion about this post