Janë të shumta rasteve kur persona që kanë bërë dy doza vaksine janë infektuar nga koronavirusi. Në lidhje me këtë çështje ka folur sot mjekja Aurora Dollenberg, njëkohësisht kryetare e Federatës së Mjekëve Shqiptarë në Europë. Përmes një interviste televizive ajo thotë se kjo vjen për shkak se këta persona kanë dobësi gjenetike. Sipas saj, rraste të tilla pacientësh me dobësi gjenetike nuk mund të ndihmohen as nga vaksina dhe as nga terapitë mjekësore anti-Covid.
“99% e rasteve të atyre që janë të vaksinuar me të dyja dozat nuk kanë shkuar në fatalitete. Vdekjet mund të shpjegohen me dobësi gjenetike që nuk influencohen as nga vaksina, as nga terapitë. 1 është një shifër jo relevante. Ka një përqindje të popullatës që kanë dobësi gjenetike dhe ky është rasti. Më e rëndësishmja është që vaksina shpëton jetën dhe ecuritë e rënda”, u shpreh ajo.
Ndër të tjera, ajo tregoi se situata nuk është aq e qetë sa duket pasi çdo variant që del është edhe më i egër se të tjerët, fakt që nuk ishte parashikuar në fillim të pandemisë. “Nga varianti në variant kemi një egërsim të virusit. Kishte hipoteza se ai do të dobësohet. Por procesi ndodhi shumë më ngadalë dhe virusi mutoi për të siguruar mbijetesën e vet. Është bërë edhe më rezistent. Ne vaksinojmë, virusi ndryshon. Kjo është edhe frika e OBSH, që sa më ngadalë të ecë procesi, aq më shumë vatra infeksioni krijohen”, tha ajo. Sipas mjekes në këto kushte nuk është e nevojshme që të moshuarit të detyrohen për dozën e tretë, pasi nuk është aq e nevojshme sa dy dozat e para. E.H/Gijotina.com/
Discussion about this post