Një ndër banorët më të komentuar së fundmi në “Big Brother Vip” është I gli, i cili ka spikatur me natyrën e tij të ftohtë.Pikërisht sjellja e aktorit ishte dhe objekti i diskutimit sot në Fun Club.
Marrëdhënia që ai ka krijuar me personat e tjerë duket e çuditshme, mania e tij për të mos i cënuar hapësirën e tij kanë ngritur pikëpyetje se nga vjen kjo sjellje, teksa një nga aludimet është dhe marrëdhënia që mund të ketë jashtë me dikë.
Ndonëse ai nuk e ka përmendur kurrë këtë fakt brenda shtëpisë, zbulohet se Igli ka një të dashur jashtë, me të cilën ka marrë pjesë në klipin e këngëtarit Noizy.
Ndërkohë aktori është përfshirë dhe në një debat me Monikën, pasi kjo e fundit në një video që përmblidhte disa nga momentet më pikante të qëndrimit të Zarkës në shtëpi, u shfaq duke prekur hundën me dorë, duke nënkuptuar se Igli konsumon lëndë narkotike në jetën jashtë shtëpisë.
Ky veprim nuk u prit mirë nga Igli, i cili shpërtheu duke pyetur Monikën për punën që prindërit e tij bëjnë.
Discussion about this post