Flamur Noka ka shpërthyer ndaj Lulzim Bashë, duke e quajtur të turpshme deklaratën e tij ndaj Berishës. Përmes një postimi në Facebook ai shkruan se, Basha ka 8 vjet që i shërben Ramës. Sipas Nokës, në ditën që do të largohet Basha nga PD, partia do të çlirohet nga hija e Ramës.
“Basha ka 8 vjet qe i shërben Ramës duke bere gjithçka për ta lëne atë në pushtet. Në vend që të largonte Ramën, pengu Basha ka zgjedhur për interesa të largojë demokratet për të ruajtur karriken tij dhe për të mbrojtur interesat e tij. Mënyrë më e shpejtë për te rrezuar Ramën është çlirimi i PD nga pengu i tij. Në mënyrë që opozita te realizoje qëllimin, asaj i duhet një lider dhe jo një peng kryetar”, u shpreh ai.
Sipas tij, 11 Dhjetori do te jete dita kur PD do t’u rikthehet demokrateve dhe misionit të saj për rrëzimin e Ramës. Ndërkohë reagimi i Nokës, vjen pas një sërë reagimesh nga demokratë të tjerë. E.H/ gijotina.com/
Discussion about this post