Ish-kryeministri Sali Berisha nuk ka ndërmend që ti ndalë takimet e tij me bazën, në kuadër të Foltores, ku ditën e nesërme njofton se do të jetë në qytetin e Pogradecit.
Berisha shkon në takimin e Pogradecit, pas akuzave të forta që pati dje me Lulzim Bashën, ku ky i fundit e quajti ish-kryeministrit tubin e oksigjenit që i jep jetë regjimit të Edi Ramës.
“Njoftim! Nesër ditën e marte me datën 9 nëntor në ora 17:00 në Pallatin e Kulturës Lasgush Poradeci të Bashkisë se Pogradecit ldo mbahet “Foltorja: Për një Parti Demokratike më të bashkuar, më të fortë, më të hapur”.
Ftoj demokratët dhe demokratët e Pogradecit të marrin pjesë. Vetëm të bashkuar fitojmë! Sb”, shkruan Berisha në postimin e tij në rrjetet sociale.
Dje ish-kryeministri pati një takim me të rinjtë e PD-së në Tiranë, takim të cilit iu bashkua për herë të parë dhe deputeti Belind Këlliçi, për të cilin kanë nisur procedurat për largimin nga kreu i FRPD.
Discussion about this post