Ndahet nga jeta vëllai i ish-deputetit të LSI: Humbëm shtyllën tonë

Ish-deputeti i LSI, Lefter Koka njoftoi me hidhërim mëngjesin e sotëm për ndarjen nga jeta të të vëllait, Ilirit pas një sëmundje të rëndë.

Koka shkruan në Facebook se vëllai i madh i familjes ishte shtylla e tyre ku mbështeteshin dhe udhërrëfyesi i tyre.

Me hidhërim të thellë, njoftoj ndarjen nga jeta të vëllait tim, Ilirit, pas një beteje të gjatë nga një sëmundje e rëndë! Liri, ishte vëllai i madh ndër pesë fëmijët, duke qenë shtylla jonë ku u mbështetëm, e kurrë nuk u lodh duke na mëkuar mirësi e respekt. Iliri ynë fjalë pak e punë shumë, ishte udhërrëfyesi ynë, por edhe simboli i urtësisë e qytetarisë për të gjithë ata që e njohën dhe rrugëtuan përkrahë në të gjallë të tij”, shkruan ai.

Mësohet se, përcjellja për në banesën e fundit bëhet në orën 14:00, te varrezat e reja të qytetit.