Danella Arsovska do të jetë gruaja e parë që do të drejtojë Bashkinë e Shkupit, zyrtarisht që nga dita e sotme.Arsovska kandidoi në zgjedhjet lokale të Maqedonisë së Veriut, si kandidate e pavarur përballë ish-kryetarit të Shkupit, Petre Shilegov.Me 28.130 vota në avantazh Arsovka u shpall fituese e zgjedhjeve lokale, ndërsa Shilengov i dorëzoi sot detyrën Arsovskës.
Pas humbjes së zgjedhjeve ky i fundit u shpreh se shumë shpejt kryetarja në detyrë do të njihet me problematikat që qyteti ka.
Unë pres se së shpejti do të njihet me problematikën në qytet e cila është komplekse në shumë sfera, megjithatë ekipi që mbeti këtu është seriozisht profesional dhe pres se do t’i ndihmojnë të ketë punë të suksesshme”, tha Shilegov.
Partia ku Shilengov bën pjesë, LSDM pësoi një disfatë të thellë në këto zgjedhje, duke bërë që dhe kryeministri Zoran Zaev të dorëhiqej nga rezultati i dobët. Lidhur me këtë situatë ku partia ndodhet, Shilengov tha se problemet do të zgjidhen shpejt.
Ndërkohë gjatë javës pritet të mbahet mbledhja e Këshillit ekzekutiv të partisë.
LSDM humbi zgjedhjet lokale në Shkupi dhe në mbi gjysmën e 80 komunave të vendit. Në Kuvendin e Maqedonisë së Veriut nuk ka mbërritur ende asnjë kërkesë për dorëheqje nga Zoran Zaev, ndonëse ka deklaruar në media se do të heqi dorë nga posti drejtues i partisë.
Discussion about this post