Detaje të reja janë zbardhur nga vrasja e biznesmenit Ruzhdi Hoxha. Trupi i tij u gjet i mbuluar me gurë e inerte në Dajt.
Djali i biznesmenit ka deklaruar se babai i tij së bashku me një person tjetër kishin marrë përsipër djegin e makinave të kompanisë “Salillari”. Ata do të paguheshin 200 mijë euro pasi të kryenin porosinë. Kjo gjë nuk ndodhi, ndërsa i biri ka treguar gjithë historitë e të atit. Ai ka treguar para hetuesve gjithë aktivitetet që kryente biznesmeni dhe personat e fundit që kishte kontakte.
Pikërisht aktiviteti i 43-vjeçarit është një nga pistat ku policia dhe prokuroria po heton për zbardhjen e motiveve të krimit.
Nga aktet hetimore rezulton se është paraqitur shtetasi E.H., i cili ka deklaruar se babai i tij i kishte treguar se “së bashku me shokun e tij Gj. L., kishin marrë përsipër kundrejt pagesës 200 mijë euro të digjnin makinat e shoqërisë ‘Salillari’, të cilat ndodheshin në zonën e Marikaj, në afërsi të Vorës”. Këtë punë ia kishte gjetur vëllai i shtetasit Gj.L. Ata kishin shkuar më datë 7 tetor në këto ambiente, por nuk kishin mundur ta kryenin.
Nga deklarimet rezulton se Ruzhdi Hoxha më 21 tetor, rreth orës 23:30, pasi ka qenë duke pirë kafe tek një lokal në autostradë, në rrugën dytësore ngjitur me një biznes të njohur, me dy shokët e tij E. B. dhe E.T. Më pas e kanë marrë në telefon dhe ka takuar shtetasi Fredi Rrushi, K.I. dhe A.F., të cilët kanë qenë me automjetin tip “Pasat” me ngjyrë gri. Të tre këta persona janë banues në zonën e Treshit në Tiranë. Pasi e kanë marrë në makinë ne tyre shtetasin Ruzhdi Hoxha janë nisur në drejtim të Treshit. Kur kanë mbërritur tek ky vend, shtetasi K.I. dhe A.F., kanë zbritur nga makina duke u ndalur tek lokali i shtetasit K.I., ndërsa Fredi Rrushi dhe Rruzhdi Hoxha kanë vazhduar duke bërë një xhiro me makinë në këtë lagje. Pasi kanë bërë një xhiro, Fredi Rrushi ka shpjeguar se e ka zbritur nga makina Rruzhdi Hoxhën në afërsi të stacionit të Treshit.
Në lidhje me vrasjen e biznesmenit Ruzhdi Hoxha është i arrestuar Fredi Rrushi i cili është dhe shok i viktimës.
Discussion about this post